Знайсці
31.01.2023 / 21:109РусŁacБел

Прадстаўніца Дзярждэпартамента: ЗША лічаць дыялог з рэжымам Лукашэнкі неабходным

Робін Даніген, намесніца памочніка дзяржсакратара ЗША, якая адказвае за дыпламатыю ва Усходняй і Цэнтральнай Еўропе, падчас свайго візіту ў Вільню паразмаўляла з «Радыё Свабода». Сярод іншага яна закранула пытанні санкцый супраць Беларусі і Расіі, перспектыў дыялогу з рэжымам Лукашэнкі і стаўленне да праблемы палітвязняў у Беларусі.

— Ці лічыце вы, што цяперашнія санкцыі ЗША і Еўрасаюза супраць Расіі і Беларусі эфектыўна ўплываюць на палітычныя рашэнні Пуціна і Лукашэнкі?

— Я думаю, што санкцыі ўжо вельмі эфектыўныя, і гэта будзе ўсё больш відавочным з цягам часу.

Сярод нашых санкцый — вельмі жорсткі кантроль за экспартам. Давайце для прыкладу возьмем расійскія войскі. Кантроль за экспартам арганізаваны менавіта для таго, каб гарантаваць, што Пуцін не зможа працягваць нарошчваць, забяспечваць і падтрымліваць свае ўзброеныя сілы і ваенна-паветраныя сілы. Не зможа забяспечваць іх сучаснымі тэхналогіямі. Мы пераразаем тэхналагічныя пастаўкі для яго машыны вайны.

Я лічу, што цяпер ён выдаткоўвае значную частку сваіх запасаў, і ён не здолее аднавіць гэтыя запасы з прычыны нашага кантролю за экспартам.

Такім жа чынам многія нашы фінансавыя санкцыі ствараюць ціск на эканоміку, і мы ўбачым вынікі гэтага ў наступныя месяцы і гады.

Тое, чаго мы хочам адносна Беларусі ў сэнсе санкцый, гэта паўплываць на пазіцыю рэжыму і прымусіць рэжым выконваць свае ўласныя абавязальніцтвы ў рамках Статута ААН і перад АБСЕ — не быць саўдзельнікам у гэтай вайне.

— А якія ўмовы ЗША для таго, каб пачаць дыялог з Лукашэнкам?

— У нас ёсць дыялог з рэжымам. У іх ёсць амбасада ў Вашынгтоне, а каманда нашай амбасады, якая цяпер у Вільні, працягвае весці дыялог. Мы ў Дзярждэпартаменце дыпламаты, мы лічым, што дыялог неабходны.

Мы паведамляем рэжыму Лукашэнкі, што мы будзем рады больш дэталёва размаўляць па шэрагу пытанняў, якія адпавядаюць узаемным інтарэсам.

Першыя крокі, якія мы б хацелі пабачыць ад рэжыму, — правесці свабодныя і справядлівыя выбары, вызваліць усіх палітычных вязняў, дазволіць працу грамадзянскай супольнасці і незалежным СМІ, якія ў нейкім сэнсе з'яўляюцца сэрцам Беларусі.

Мы б хацелі, каб Беларусь была ў меншай ступені саўдзельніцай у гэтай вайне. Гэта важныя змены, якія мы б хацелі ўбачыць. Але мы ўжо маем дыялог. Дыялог — гэта важна, і мы хочам трымаць лініі камунікацыі адкрытымі.

— Ці бачыце вы нейкія дадатковыя крокі, якія маглі б зрабіць Злучаныя Штаты, каб прымусіць рэжым вызваліць палітычных вязняў?

— Думаю, вы ведаеце, што многія санкцыі, накладзеныя намі на Беларусь, былі выкліканыя тым, што працягваецца зняволенне палітычных вязняў. Мы па-ранейшаму робім гэта ключавым элементам кожнай нашай размовы з рэжымам.

У гэтым мы працуем поплеч з нашымі еўрапейскімі партнёрамі. Мы будзем працягваць падкрэсліваць у Еўропе і ў рэшце свету тую цану, якую плацяць палітвязні ў Беларусі.

Я еду з Вільні ў Польшчу, дзе я сустрэнуся са сваім калегам з польскага ўрада. І адна з нашых размоў будзе прысвечаная будучыні санкцый супраць рэжыму ў Беларусі. За яго саўдзел у вайне і за абыходжанне з палітвязнямі. Мы будзем няспынна падкрэсліваць гэта.

Чытайце таксама:

Ціханоўская абмеркавала новую стратэгію па Беларусі з памочніцай дзяржсакратара ЗША

«Мы яшчэ ўсур'ёз не пачыналі». Новы пакет санкцый ЕС закране сферу, якую раней не чапалі 

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
01.02.2023
на Акрэсцина яе трэба---на 15 сутак....паглядзим, што пасля скажа
0
Таки/адказаць/
01.02.2023
Судя по интервью, в Вашингтоне весьма наивные дипломаты, не представляющие себе реалий в Беларуси.
1
Скукотищааа/адказаць/
01.02.2023
Таки, полагаю, что "наивные" американские дипломаты знают реалии РБ лучше всех местных политологов-"аналитиков". Думаю, что многие тут просто не понимают, какую игру здесь ведёт Вашингтон. 
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
ПНАЎСРЧЦПТСБНД
123
45678910
11121314151617
18192021222324
25262728293031