Аб’яднаны пераходны кабінет абмеркаваў з уладамі Польшчы праблемы беларусаў: пашпарты, рахункі, нядзельныя школы
Сустрэчы адбыліся з прэзідэнтам Анджэем Дудам, віцэ-прэм’ерам Пятром Гліньскім, маршалкам сейма Эльжбетай Вітэк, іншымі польскімі чыноўнікамі, пасламі краін Еўрасаюза.
«Пакуль Варшава пачала выдачу спецыяльных праязных дакументаў беларусам, якія па тых ці іншых прычынах страцілі пашпарты, і знаходзяцца ў Польшчы на гуманітарных падставах. Была створаная група для вырашэння праблемных пытанняў», — нагадалі ў АПК.
Пры Мінфіне анансаванае стварэнне аналагічнай структуры для вырашэння праблем пры адкрыцці рахункаў, адкрыцця і вядзення бізнесу беларусамі ў Польшчы.
«Міністр адукацыі і навукі Пшэмыслаў Чарнэк запэўніў аб гатоўнасці выдзеліць фінансаванне на развіццё беларускіх нядзельных школ, даследаванне беларускай мовы і літаратуры. Вынікам перамоў з прадстаўнікамі Мінадукацыі стала згода на стварэнне сумеснай працоўнай групы», — дадалі ў АПК.
а-то я уже несколько запуталось в этих величаниях величества ее