Знайсці
30.01.2023 / 23:3913РусŁacБел

«Дзе вы былі, калі мы ваявалі за Ічкерыю?» Кадыраў нечакана абвінаваціў Захад у няўдачах чачэнскіх незалежнікаў

Рамзан Кадыраў раскрытыкаваў прэм'ер-міністра Польшчы Матэвуша Маравецкага, які нядаўна заявіў, што Чачня заслугоўвае быць незалежнай дзяржавай. У самім факце крытыкі заходніх лідараў з боку прамаскоўскага кіраўніка Чачні нічога сенсацыйнага няма, але гэтым разам ён зайшоў з зусім нечаканага боку. 

«Ён кажа, што трэба падтрымаць Ічкерыю.

У мяне пытанне: дзе вы былі, калі мы ваявалі за Ічкерыю, калі мы адстойвалі інтарэсы незалежнасці, чаму еўрапейскія дзяржавы, у тым ліку і Украіна, не падтрымалі нас, а сёння раптам вы вырашылі падтрымаць неіснуючую дзяржаву?»

— заявіў Кадыраў у відэазвароце, апублікаваным 28 студзеня ў яго тэлеграм-канале.

Кіраўнік Чачні адзначыў, што «быў заўзятым ічкерыйцам, і нам не давалі будаваць дзяржаву менавіта вы», маючы на ўвазе краіны Захаду. Між тым афіцыйная рыторыка расійскіх уладаў і прапагандыстаў сцвярджае акурат наадварот — што якраз Захад нібыта падтрымліваў сепаратызм у Чачні, і ў гэтым была ўся праблема. 

Праўда, цяпер Рамзан Кадыраў незалежнай дзяржавы ўжо не хоча, бо пераканаўся, што не патрапіць ёй кіраваць без датацый з Масквы: «І сёння, як бы ні хацелі асобную дзяржаву, мы ніяк не можам існаваць [як асобная дзяржава], таму што паўтара мільёна насельніцтва [трэба] карміць, апранаць, абуваць, вучыць, дашкольныя, сацыяльныя пытанні, будаўніцтва, іншыя праграмы і праекты — нам гэтага не пацягнуць. Таму ва ўсіх сэнсах ва ўсіх напрамках наш народ зрабіў правільны выбар. І з кожным годам, з кожным днём мы пераконваемся ў гэтым», — сказаў ён у сваім звароце.

У Еўропе тэму незалежнай Чачні пачалі абмяркоўваць пасля таго, як у кастрычніку 2022 года Вярхоўная Рада Украіны прыняла пастанову, у якой абвясціла Чачэнскую Рэспубліку Ічкерыя тэрыторыяй, «часова акупаванай РФ».

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
0
Mafkees /адказаць/
31.01.2023
Как только в рашке начнется кипиш и с путеном что-то случится,- дон-дончику не сносить головы(в прямом и переносном смысле). Этого тупоголового предателя и садиста ненавидит и презирает пол чечни и как только путен крякнет -это будет финиш и для дон-дончика. Тень черенка Каддафи нависла над россией,закрывая солнце.
0
Реалистка/адказаць/
31.01.2023
Mafkees , вы не сравнивайте Кадырова с остальными чеченцами (которые не кадыровцы). Из всех народов, населяющих россию, только они имели смелость воевать за свою свободу, а что все остальные в это время делали? Я бы написала, но боюсь тогда коммент не пройдет проверку. Это дон-дон такой какой есть, а вспомните Джохара Дудаева, какой это был великий человек.
0
Mafkees /адказаць/
31.01.2023
Реалистка, Я нигде и не сравнивал чеченцев с кадыровым или кадыровцами...
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера