Памёр легендарны хакеіст Бобі Хал

Фота: Аляксандр Данілюшын / Фотахроніка ТАСС

Хал гуляў у НХЛ у 1957—1972 гадах за клуб «Чыкага», у 1961 годзе выйграў з камандай Кубак Стэнлі.

Канадскі форвард 12 разоў браў удзел у Матчы зорак НХЛ, двойчы рабіўся самым каштоўным гульцом сезона, тройчы — лепшым бамбардзірам рэгулярнага чэмпіянату. 

З нацыянальнай зборнай Хал удзельнічаў у суперсерыі 1974 года са зборнай СССР, выйграў Кубак Канады 1976 года.

У 1983 годзе Бобі Хал быў уключаны ў Залу хакейнай славы, у 2017 годзе — у спіс 100 найвялікшых гульцоў НХЛ.

Разам з аднаклубнікам Стэнам Мікітам Хал лічыцца пачынальнікам выкарыстання клюшак з загінам, чым падвысілася эфектыўнасць кідкоў.

Nashaniva.com

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ