Знайсці
20.01.2023 / 08:212РусŁacБел

Пентагон раскрыў змест новага пакета ваеннай дапамогі Украіне

Цана новага пакета дапамогі, у які ўвайшлі бронетранспарцёры «Страйкер» і БМП «Брэдлі», складае 2,5 млрд даляраў.

Ілюстрацыйна здымак. Фота: Mindaugas Kulbis / AP 

Міністэрства абароны абʼявіла ў чацвер аб тым, што прэзідэнт Джо Байдэн санкцыянаваў перадачу Украіне новага пакета ваеннай дапамогі для задавальнення крытычна важных патрэб краіны ў галіне бяспекі і абароны.

Пакет, цана якога ацэньваецца ў 2,5 мільярда даляраў, зʼяўляецца трыццатым са жніўня 2021 года. У яго склад уваходзяць сотні бронетранспарцёраў і баявых машын пяхоты, жыццёва важныя для Украіны сродкі СПА і іншыя віды ўзбраенняў, гаворыцца ў прэс-рэлізе Пентагона.

Гэтым разам Украіна атрымае боепрыпасы для перадавых зенітна-ракетных комплексаў NASAMS, восем ЗРК «Авенджар», 59 баявых машын пяхоты «Брэдлі» з 590 супрацьтанкавымі ракетамі TOW, 53 бронетранспарцёраў MRAP і 350 высокамабільных шматмэтавых колавых транспартных сродкаў (HMMWV).

Акрамя таго, у пакет уключаны 20 000 155-мм артылерыйскіх снарадаў, 600 высокадакладных 155-мм артылерыйскіх снарадаў, іншыя боепрыпасы, прыборы начнога бачання, запасныя часткі і іншае палявое абсталяванне.

«Нядаўнія паветраныя напады Крамля на крытычна важную інфраструктуру Украіны зноў прадэманстравалі разбуральныя наступствы жорсткай вайны, якую Расія вядзе ва Украіне», — гаворыцца ў паведамленні Пентагона. Там адзначылі, што новы пакет дапаможа Украіне супрацьстаяць шэрагу пагроз і ўмацуе супрацьпаветраную абарону краіны.

У агульнай колькасці Злучаныя Штаты вылучылі больш за 27, 4 мільярда даляраў на дапамогу Украіне ў галіне бяспекі з прыходу ў Белы дом Джо Байдэна. Пры гэтым больш за 26,7 млрд даляраў было выдзелена з пачатку маштабнай расійскай агрэсіі, якая пачалася летась 24 лютага, піша «Голас Амерыкі».

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
6
Скукотищааа/адказаць/
20.01.2023
Кто-нибудь может пояснить, т.к. нигде про это не пишется - "выделили (передали) помощь ... млрд. долларов (евро)" - это подарили (дали безвозмездно), или дали с возвратом (или в кредит)? 
20.01.2023
Скукотищааа, если брать правила ленд-лиза, то уничтоженная техника не подлежит оплате. Старую надо вернуть, заплатив за использование. Вроде бы так.
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера