Знайсці
16.01.2023 / 20:11РусŁacБел

МЗС Польшчы назвала суд над Пачобутам элементам антыпольскай кампаніі

МЗС Польшчы ў афіцыйнай заяве назвала суд над журналістам Андрэем Пачобутам «адным з элементаў антыпольскай кампаніі, якая праводзіцца беларускімі ўладамі».

У апублікаванай заяве выказваецца «расчараванне» пачаткам судовага працэсу, а таксама падкрэсліваецца, што пераслед журналіста з’яўляецца «яшчэ адной праявай інструментальнага выкарыстання сістэмы правасуддзя насуперак усім дэмакратычным стандартам».

Польшча заклікала афіцыйны Мінск вызваліць Андрэя Пачобута і зняць палітычна матываваныя абвінавачванні з яго і Анжалікі Борыс.

«Мы таксама заклікаем да вызвалення Алеся Бяляцкага, праваабаронцы, лідара арганізацыі «Вясна», лаўрэата Нобелеўскай прэміі міру, і ўсіх іншых людзей, якія працуюць над пабудовай дэмакратычнай, суверэннай і незалежнай Беларусі. Чакаем спынення рэпрэсій супраць грамадзянскай супольнасці, а таксама пачатку працэсу дэмакратызацыі краіны ў супрацоўніцтве з усімі палітычнымі коламі», — гаворыцца ў звароце польскага МЗС.

Журналіста, актывіста неафіцыйнага Саюза палякаў Беларусі Андрэя Пачобута пачалі судзіць у закрытым працэсе 16 студзеня. У зняволенні ён з 25 сакавіка 2021 года.

Чытайце таксама:

Суд над Пачобутам зрабілі закрытым. З’явілася першыя ВІДЭА і ФОТА з пасяджэння

Польшча прадпрымае «дзеянні, пра якія нельга казаць публічна», каб вызваліць палітвязня Андрэя Пачобута

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
1
Панылы сорам
0
Ха-ха
0
Ого
1
Сумна
0
Абуральна
0
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
ПНАЎСРЧЦПТСБНД
12345
6789101112
13141516171819
20212223242526
2728293031