Знайсці
14.01.2023 / 13:39РусŁacБел

Пад Смаргонню сутыкнуліся аўтамабіль з рыбакамі і грузавік. Адзін чалавек загінуў

Раніцай у суботу двое мінчукоў на «Рэно» сутыкнуліся з грузавіком пад Смаргонню, адзін з мужчын загінуў, паведамляе УУС Гродзенскага аблвыканкама.

Аварыя адбылася каля сямі гадзін раніцы на скрыжаванні дарог Р95 Лынтупы — Свір — Крэва — Гальшаны і Р106 Маладзечна — Смаргонь.

Кіроўца «Рэно», 40-гадовы мінчук, ехаў з боку Крэва і, выязджаючы на аб'язную дарогу каля Смаргоні, не пераканаўся ў бяспецы руху. Па галоўнай дарозе злева ў гэты час ехаў грузавік «Мэрсэдэс-Бэнц».

Аўтамабілі сутыкнуліся. Удар прыйшоўся з боку кіроўцы. Мужчына атрымаў сур'ёзныя траўмы і праз некаторы час памёр на месцы здарэння.

Сур'ёзна пацярпеў і пасажыр, 46-гадовы жыхар Мінска. Яго даставілі ў рэанімацыю. Кіроўца грузавіка, ураджэнец Віцебскай вобласці, не пацярпеў.

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера