Знайсці
11.01.2023 / 19:3817РусŁacБел

«У кожнага сваё пекла». Палітэмігрант распавёў, чаго беларускага яму не хапае за мяжою. Землякі адрэагавалі

Палітэмігрант Алег Корбан у фэйсбуку падзяліўся сваім сумам — «чаго не хапае беларускаму эмігранту і што трэба абавязкова захаваць у Беларусі».

Корбан склаў спіс.

У яго ўвайшоў чыгуначны транспарт, які прыходзіць строга па раскладзе. Плацкартныя і купэйныя вагончыкі — гэта рамантыка, і класна, калі ў правадніка можна замаўляць каву, чай.

Гандлёвыя цэнтры і супермаркеты, якія працуюць штодзень і да позняга часу.

Смачная малочка. Гэта і малако, і згушчонка, і тварог, і «існуе такі напой, як кефір».

Як прыклад аўтар прыводзіць Грузію, дзе «ў крамах выбар вельмі бедны, уся надзея на прывоз нашага «Савушкавага прадукту». Не меншая бяда, паводле беларуса, у крамах Бельгіі. Тварагу і кефіру ў продажы амаль не знайсці, а малако — парашковае. Даводзіцца шукаць фермы і польскія магазіны.

З сумам успамінае Корбан нашу медыцыну, «як бясплатную, так і прыватную, асабліва нашу недарагую і якасную стаматалогію».

Напрыклад, выклікаць хуткую дапамогу ў некаторых краінах — задача не з лёгкіх, часам прасцей злавіць таксі і самому дабірацца ў шпіталь.

У Турцыі, паводле яго, хуткая можа не паехаць на выклік, калі ў чалавека (нават дзіцяці) будзе тэмпература 40 градусаў. А калі прыехаць у дзяржаўную клініку да тэрапеўта, можна сустрэцца з натоўпам. Людзі да доктара заходзяць не па сігнале табло, а «тыя, хто першым уварвецца ў адчыненыя дзверы». Калі не хочаш сядзець «у кампаніі хворых і нявыхаваных людзей» — едзь у прыватны медцэнтр. Там чаргі няма, але пяціхвілінны прыём каштуе $100—120.

«Медыцына ва ўсім свеце не ідэальная, і часта нешта ў ёй кульгае», — даводзіць Корбан.

Нават у Беларусі, паводле аўтара, трэба палепшыць медабсталяванне, рацыён харчавання ў бальніцах, а «дзесьці выгнаць насякомых».

«Як жа зручна ў бельгійскіх медустановах — прыходзіш да нейкага спецыяліста, і ён сам будзе ў ролі медсястры, лекара, часам і псіхолага. Там жа ў кабінеце сам возьме аналіз крыві, зробіць здымкі, можа патэлефанаваць у найбліжэйшую аптэку і ўдакладніць, ці ёсць там такі медыкамент, і нават забраніруе яго для кліента», — нечакана піша Корбан.

Лазні. Яны таксама прадмет настальгіі. Там, дзе зараз жыве беларус, «каб патрапіць у добрую саўну, трэба запісвацца загадзя, а яшчэ за гэта трэба заплаціць не менш за 150 еўра». Да таго ж, піва ў меню няма, толькі шампанскае за 50 еўра.

Прырода і архітэктура. «Нашы азёры і крыніцы, звілістыя рэкі, багатыя лясы; старадаўнія палацы, замкі, цэрквы і касцёлы, не аднатыпныя, і з вялікай нясумнай гісторыяй. Хай бы гэта ўсё, што ацалела, абавязкова захавалася да лепшых часоў», — піша Корбан.

Эмігранцкі боль традыцыйна выклікаў рэакцыю ў землякоў.

«А мы па наіўнасці думалі, што людзі хочуць ператварыць Беларусь у Еўропу, а аказалася, што наадварот, Еўропу — у Беларусь. Колькі разоў заўважаў, як толькі людзі аказваюцца ў нармальных краінах, яны пачынаюць сумаваць па такой херні, прабачце, як чорны хлеб, тварог, згушчонка ці лазні. Ну, прабачце, іншай Еўропы ў іх для вас няма».

«У кожнага свой крыж і сваё пекла. Гэта ж маленькая часцінка вялікага суму па радзіме».

«У турме б у Алега таксама не было добрага чорнага хлеба і тварагу. Нават простаму варанаму яйку б радаваўся. І лазня была б раз на тыдзень са ста іншымі арыштантамі. Людзі пачынаюць зацыклівацца на нават не другасных праблемах — ужо пачалі раздражняць гэтыя вечныя плачы тых, хто зʼехаў. Прычым тых, хто з’ехаў не ў пошуках лепшага жыцця (праўда, у лепшыя краіны), а менавіта ўцекачоў ад турмы».

«Вельмі дзіўны набор каштоўнасцяў і сумнеўная інфа пра адсутнасць чагосьці падобнага за мяжой. Наступны крок — мемасікі з настальгіяй па марожаным з БССР».

«Адзінае, па чым сумую, — па блізкіх і мясцінах. Ніякія крабавыя палачкі, чорныя хлябы і малочка не зʼяўляюцца чымсьці, пра што трэба думаць кожны дзень або цягнуць сюды, як мне здаецца».

«Нейкі набор штампаў і паўпраўдаў. Адзінкавыя выпадкі пададзеныя як данасць. Усюды ёсць плюсы і мінусы, нельга ідэалізаваць і выключна ачарняць. Вось ужо 15 год жыву ў Варшаве — і прадукты знаходжу неабходныя, і медпаслугі норм, і транспарт добры… Усюды нюансы, але трэба даведацца, абраць аптымальны шлях, вырашыць. Медыцына — ніколі не пачуўся кінутым і без увагі. У Бельгіі хапае цудоўнай ежы, у Грузіі тым больш, у Турцыі — дапамагалі адразу ж. Лазні — непараўнальныя па савецкім мінулым у РБ. Азёры — а на Мазурах польскіх Вы былі?! Палацы і замкі — у кожным кутку Нямеччыны, Польшчы… кожнай краіны. Беларусь цудоўная! Але напісанае — нейкая дзіч, прабачце…» — напісалі беларусы пад допісам у каментарах.

Чытайце таксама:

Пісьменнік Сяргей Вераціла: У Эквадоры я не прыжыўся, моцна цягнула на радзіму

«Адну каўбасу можна замяніць другой, а сала нічым не заменіш». Сала як звычка, сала як культ і цвёрдае сала чужыны

Тварог, селядзец і «Графскія разваліны». Якіх беларускіх прадуктаў не хапае эмігрантам?

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
49
Панылы сорам
32
Ха-ха
31
Ого
5
Сумна
9
Абуральна
9
0
Sparrow/адказаць/
12.01.2023
да не по продуктам он тоскует ,а по родине. там где родился жить лучше. иммиграция вынужденная мера. тут Польша или Украина была бы лучшим выбором. есть в Беларуси хорошие продукты, не трындите про хрящи в колбасе. я в американской кости неперемолотые находил. я уже не говорю про засилье пальмового масла  в огромной массе выпечки и кукурузного сиропа. родину прос..ли?  не пытайтесь найти оправдание.
1
Brother in law/адказаць/
13.01.2023
Вы когда повторяете мантру в Беларусе все плохо, продукты не те, медицина не та это все записывается на подсознание и в итоге миллионы неудачников которые никогда не будут иметь своей страны. когда я показал фотографии Минска в первые годы моей жизни в Америке, у меня спросили а зачем ты от туда уехал? надо по немногу выдавливать из себя комплекс неполноценности и делать постепенно шаги к возрождению нашей Беларуси. шаг за шагом, донатим калиновцам, на наше общее дело. они сражаются на фронте рискуя жизнями, а вы про кефир и сгущенку переживаете. 
1
выкинутый з-за борт/адказаць/
13.01.2023
О как заболело беларусікам что "там" оказывается может быть не так хорошо и не так комфортно) Лично в эмиграции очень долго и всегда не хватало только близких. Сгущенка, хлеб, зефир, квас и т.д. все это ерунда. В любой европейской столице можно купить бел.продукты (вопрос только цены). С баней (не путать с сауной) тоже проблем нет, можно найти и с веничком березовым и с пивом. Но почему этот клоун забывает показать положительные стороны эмиграции? Самый главный плюс - перезагрузка себя, ситуации которые заставляют думать и анализировать критично. Только благодаря этому "палітэмігрант" (какое дебильно слово) увидел разницу в мед.обслуживании, в жд. сообщениях и т.д. Дет.сад короче, но хорошо что уже не ясли)
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
сакавіккрасавікмай
ПНАЎСРЧЦПТСБНД
1234567
891011121314
15161718192021
22232425262728
2930