Знайсці
11.01.2023 / 14:21РусŁacБел

Аўтобус са школьнікамі загарэўся ў Ваўкавыску

Здарэнне адбылося ў райцэнтры на вуліцы Жолудзева.

Фота: МНС

11 студзеня ў 8:57 ваўкавыскія выратавальнікі атрымалі паведамленне пра тое, што па вуліцы Жолудзева ў райцэнтры загарэўся школьны аўтобус. Падраздзяленні МНС накіраваліся да месца здарэння.

У салоне транспартнага сродку было трое дзяцей і дарослы. Кіроўца, убачыўшы загаранне ў маторным адсеку, спыніўся, высадзіў пасажыраў і пачаў самастойна збіваць полымя вогнетушыцелем. Тым часам педагог паведаміла пра здарэнне ў службу «101».

Байцы МНС прыбылі да месца і ліквідавалі ўзгаранне. Агонь пашкодзіў прыборную панэль, электраправодку і ўнутраную абшыўку аўтобуса. Людзі не пацярпелі.

Прычына здарэння высвятляецца. Верагодней за ўсё, да ўзгарання прывяло кароткае замыканне электраправодкі.

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера