Знайсці
29.12.2022 / 14:524РусŁacБел

Geely ў Беларусі выпусціў новы бюджэтны седан. Колькі каштуе «народны» аўтамабіль?

Больш за год беларуска-кітайскі вытворца «БелДжы» прадаваў толькі красоверы. За некалькі дзён да Новага года беларусам прэзентавалі легкавік у кузаве седан. Гэта будзе самы танны аўтамабіль у лінейцы Geely.

Фота: geely.by

Пад капотам у Geely Emgrand New бензінавы рухавік аб'ёмам 1,5 літра магутнасцю 114 конскіх сіл. На бягучы момант аўтамабіль дасяжны ў двух варыянтах камплектацыі: Standart і Flagship.

Седан у стандартнай камплектацыі з механічнай каробкай перадач каштуе 45 200 рублёў, што складае каля 16 700 даляраў. 

Аўтамабіль у камплектацыі Flagship мае аўтаматычную каробку перадач і багацейшае аздабленне. Яго цана 54 200 рублёў (каля 20 000$).

Інтэр'ер Geely Emgrand New у камплектацыі Flagship. Фота: geely.by

Да з'яўлення Emgrand New самым танным аўтамабілем маркі, дасяжным на беларускім рынку, заставаўся паркетнік Сoolray, яго можна набыць па цэнах ад 62 815 рублёў (каля 23 200$).

Новы седан ад «БелДжы» стане адным з самых даступных аўто ў сваім класе. Магчыма, што, дзякуючы выхаду на рынак бюджэтнай мадэлі, аўтамабілі беларуска-кітайскай вытворчасці стануць самымі прадаванымі сярод новых аўтамабіляў у краіне, бо выпуск заходніх аўтамабіляў расійскай зборкі ўпаў у выніку санкцый. 

Фота: geely.by

Па выніках 11 месяцаў 2022 года лідарам на рынку застаецца марка LADA — з вынікам 3 698 аўтамабіляў. Geely займае другую пазіцыю з 3 197 прададзенымі машынамі. Цікава, што 81% усяго аўтамабільнага рынку легкавых аўтамабіляў Беларусі ў лістападзе 2022 года склаў брэнд Geely.

На куплю новых Emgrand New будуць дзейнічаць ільготныя фінансавыя праграмы — крэдыт і лізінг ад 5% да 10 гадоў у беларускіх рублях. Першапачатковы ўнёсак — ад 25% ад кошту аўтамабіля.

Чытайце таксама:

Якія машыны сталі самымі прадаванымі ў Беларусі і што яшчэ змянілася на аўтарынку за год 

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
3
Максим Дизайнер/адказаць/
29.12.2022
Нет

И коптить возле подъезда и на зеленой зоне
0
Аскми/адказаць/
29.12.2022
Цена новой машины длжна примерно соответствовать заработку за 10 месяцев. Белстат говорит в среднем 1670, значит народный автомобиль должен стоить около 17 000 р.
1
Макс/адказаць/
30.12.2022
Максим Дизайнер, ну кожны сам вырашае дзе паркавацца
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера