Знайсці
23.12.2022 / 12:005РусŁacБел

Вядомы беларускі брэнд з пачатку вайны адкрыў чатыры крамы ў Маскве. Дызайнеры патлумачылі сваё рашэнне

Дызайнерскі брэнд ZNWR вядомы сваімі худзі і цішоткамі. Ён з'явіўся ў Бабруйску, але з часам заваяваў не толькі беларускі рынак.

Фота: інстаграм ZNWR

Крамы ў Расіі ў брэнда былі і раней. Але пасля пачатку вайны яны адкрылі яшчэ чатыры ў Маскве.

Частку беларусаў у сацсетках гэта абурыла.

Брэнд пракаментаваў сітуацыю праекту «1906».

«Мы разумеем эмацыянальны фон, які пануе зараз, але хацелася б, каб гэта не замінала людзям паглыбляцца і бачыць рэчы шырэй.

Калі мы робім наш прадукт, адчыняем нашыя прасторы — гэта наш сродак размаўляць з людзьмі. І гэта тое, што мы можам рабіць — інтэгравацца ў падсвядомасць людзей такім чынам і трансляваць свае каштоўнасці», — тлумачыць Наста Шастак, крэатыўная дырэктарка брэнда ZNWR.

Яна адзначае, што, напрыклад, у маскоўскай краме ў ГЦ «Атрыум» у вітрыне скарыстаныя колеры ўкраінскага сцяга. 

«Нас здзівіла такая плынь негатыўных каментароў. І калі б гэтыя людзі ведалі каманду знутры, ім бы стала сорамна за такія словы.

Ідэйнасць і свядомасць — не адное і тое ж».

Брэнд дадае, што ў іх камандзе «не падзяляюць свет на сваіх і чужых, гатовыя несці святло і змагацца за яго тымі сродкамі, якія даступныя ім».

«Ніхто не пісаў пра тое, як мы абклеілі ўсе вітрыны сваіх крамаў у РФ надпісам PEOPLE FOR PEACE, калі пачалася вайна, як выпусцілі лінейку цішотак і пералічвалі сродкі ў падтрымку фондаў, рабілі допісы і г.д. Мы рабілі гэта моўчкі.

І мы будзем працягваць быць сацыяльна адказным брэндам, які рызыкуе і размаўляе. 

І наша новая крама ў Маскве — гэта новая платформа, каб казаць пра важнае, каб аб'ядноўваць людзей, заяўляць на шырокую аўдыторыю сваю пазіцыю і быць сумленнымі перад сабой», — падсумоўвае крэатыўны дырэктар.

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
1
Правдоруб /адказаць/
23.12.2022
А в 1941 году в Берлине открыли бы магазин своих тряпок?... Деньги не пахнут?
1
тітька_тереха/адказаць/
23.12.2022
Такі вядомы брэнд адзення, што я наогул упершыню чую пра такі. ва ўсялякім выпадку будзем ведаць, не трэба нічога купляць
0
Дугін/адказаць/
04.03.2023
А калі нарэшце "міралюбівы" брэнд адчыніць новыя кропкі ў акупаваным Марыўпалі? У межах гуманітарнай філасофіі, вядома ж.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера