«Жывёла ты. Я не ведаю, што з табой будзе, калі мы цябе знойдзем». Андрэй Павук датэлефанаваўся да Карпянкова

Блогер Андрэй Павук, які спрабуе зразумець, што думаюць аб сваім жыцці і жыцці краіны лукашэнкаўцы, датэлефанаваўся да намесніка міністра ўнутраных спраў — камандуючага ўнутранымі войскамі Мікалая Карпянкова. Дыялог атрымаўся кароткім. Карпянкоў ва ўласцівай цяперашнім сілавікам бруднай манеры пагражаў блогеру.

— Добры дзень, Мікалай Мікалаевіч!

— А гэта ты, Павук! Ай ты поскудзь якая. Ты мяне знайшоў. Але ты ж вырадак поўны. Ты ж на мяне пісаў у пракуратуру.

— Ды пісаў, па справе пісаў.

— Ты атрымліваецца, што рабіш тролінг такі. Жывёла ты. Цябе ўсе дастануць. Я не ведаю, што з табой будзе, калі мы цябе знойдзем.

— Перастаньце пагражаць.

— Пачвара ты, вартая жалю. Вось ты ведаеш, добра, што ты да мяне датэлефанаваўся. Мы хутка ўбачымся, чуеш?

— Калі?

— Калі? Рыхтуйся. Ты не чакаеш, як хутка.

— Да чаго рыхтавацца?

Карпянкоў кінуў трубку.