КДБ унёс Сяргея Ціханоўскага і Ігара Лосіка ў спіс тэрарыстаў
«Спіс тэрарыстаў» дапоўнілі імёнамі 23-х людзей. Сярод іх Сяргей Ціханоўскі ды Ігар Лосік.
Фота: DPA
Сяргей Ціханоўскі — вядомы блогер, які мог стаць канкурэнтам Аляксандра Лукашэнкі на выбарах 2020 года. Пасля яго арышту, які праваабаронцы прызналі палітычна матываваным, кандыдатам у прэзідэнты стала яго жонка Святлана Ціханоўская і атрымала масавую падтрымку на выбарах.
Ігар Лосік — блогер, стваральнік тэлеграм— і твітар-каналаў «Беларусь галаўнога мозга».
І аднаго, і другога асудзілі за «распальванне сацыяльнай варожасці» і «арганізацыю масавых беспарадкаў» да 18 і 15 гадоў турмы адпаведна. Праваабаронцы, міжнародная і беларуская грамадская думка інтэрпрэтавалі прысуд як палітычную помсту.
Усяго цяпер у спісе 870 чалавек, вялікую частку з іх складаюць палітычныя праціўнікі Аляксандра Лукашэнкі і ўдзельнікі руху за свабодныя выбары і аднаўленне канстытуцыйнай законнасці ў Беларусі.
«Блакуюць фінансавыя аперацыі». На што ўплывае ўключэнне чалавека ў «спіс тэрарыстаў»?
