Знайсці
06.06.2022 / 13:56РусŁacБел

«Не карміся за кошт рускага народа больш!» У Расіі на Каржа спусцілі сабак

Па Каржу ўлупіла расійская прапаганда. «Простыя фанаты» таксама расчараваныя. Але тут ёсць нюансы.

На днях беларускі спявак Макс Корж выпусціў трэк «Свой дом», які прысвяціў вайне ва Украіне. Грамадская думка беларусаў у сацсетках раздзялілася: хтосьці лічыць песню адназначна праўкраінскай, а хтосьці — занадта нейтральнай і апалітычнай, якую, пры жаданні, могуць выкарыстоўваць і расіяне. Тым часам у самой Расіі пасыл Каржа ўспрынялі абсалютна адназначна — песня ў падтрымку Украіны. 

Загалоўкі прапагандысцкіх выданняў таксама гавораць самі за сябе.

Рэжысёр і сцэнарыст Сарык Андрэасян, якога цытуюць расійскія прапагандысты, абураны планамі Каржа выступаць у Расіі.

«Растлумачце мне, як такое можа наогул быць! Чаму гэтыя людзі даюць канцэрты ў Расіі!» — гнеўна выказваецца Андрэасян.

Падпісанты сцэнарыста ў сацсетках падтрымалі яго пазыцыю.

Персанаж расійскіх прапагандысцкіх шоу Міхаіл Шахназараў у сваім тэлеграм-канале напісаў, што праваахоўныя органы наогул павінны забараніць Каржу ўязджаць у Расію.

«Каб гэта дазволіць, трэба быць апошнімі дэбіламі. Забарона на ўезд, і хай едзе вымольваць прабачэнне ва Украіне і зарабляе ў Польшчы», — піша Шахназараў.

«Беларускі спявак Макс Корж груба абылгаў Расію, абвінаваціўшы ў агрэсіі. Аднак ад канцэртаў у «агрэсара» адмаўляцца не стаў — выступленні запланаваныя адразу ў трох гарадах нашай краіны», — піша чарнасоценнае выданне «Царьград» (на той момант пра адмену канцэртаў яшчэ не было вядома).

«Чым адкажуць жыхары Расіі чарговаму ненавісніку нашай краіны, пакажуць найбліжэйшыя дні. Канцэрт у Екацярынбургу запланаваны на 25 чэрвеня», — абураецца медыя. 

Праз два дні пасля запісу трэка Корж паведаміў, што ягоныя запланаваныя канцэрты ў Расіі не адбудуцца.

Мяркуючы па допісах каментатараў на старонках Каржа ў сацсетках, песня не спадабалася і многім звычайным прыхільнікам Каржа з Расіі. 

«Ох, Макс, як жа ты памыляешся. Ох, як… Не варты гэты трэк таго, што ты будаваў так доўга і ўпарта», — напісаў карыстальнік.

«Атрымліваецца, Данбас мае рацыю, калі абараняе свой дом? Ці гэта іншае, Макс?» — задаў пытанне спеваку адзін з прыхільнікаў, робячы адсылку да тэксту.

«Мне падабаецца творчасць Макса, але я зусім не падзяляю пазіцыю Каржа і ўсе словы ў гэтай кампазіцыі — асуджаю. Чалавек не разумее, пра што спявае», — піша іншая прыхільніца. 

«Спадзяюся, цяпер Максіму забароняць выступаць у Расіі. Не карміся за кошт рускага народа больш. Мы абараняем свой дом і свой народ», — кажа іншы каментатар. 

Але тут ёсць нюансы. Варта адзначыць, што ў расійскіх сацыяльных сетках мы маем дачыненне з эфектам маўчання. Шавіністычна настроеныя каментатары выступаюць адкрыта і гучна, тады як праціўнікі вайны вымушаныя маўчаць, бо за антываенныя выказванні ў Расіі цяпер караюць.

За праўкраінскую пазіцыю Каржа ў Расіі крытыкуюць не ўпершыню. Макс Корж асудзіў агрэсію Расіі ў першы ж дзень вайны, 24 лютага, напісаўшы, што «асуджае ўварванне і бамбаванне суверэннай дзяржавы». 

Расійскі пісьменнік-чарасоценец Захар Прылепін тады адкаментаваў гэта так: «Дарослыя людзі адмахнуцца: мы іх [такіх як Корж. — «НН»] нікога не ведаем. Ды якая розніца, ведаеце вы іх ці не. Затое іх ведаюць 99 адсоткаў падлеткаў у Расіі. І людзі, якія адказваюць за моладзевую палітыку ў Расіі, таксама павінны былі іх ведаць і з імі даўно ўжо працаваць. Як вы думаеце, яны з імі працавалі?» — абураўся Прылепін. 

Незалежныя расійскія СМІ пакуль на трэк не адгукнуліся.

У сваю чаргу, украінская публіка і буйныя ўкраінскія медыя ўспрынялі песню хутчэй як праўкраінскую. У сэрвісе Apple Music песня стала самай папулярнай сярод украінскіх слухачоў. 

Прадпрымальнік Іван Шыла адгукнуўся ў Фэйсбуку на супярэчлівую рэакцыю ў сацыяльных сетках на новую песню Макса Каржа так:

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера