Украінскі знішчальнік збіў расійскі самалёт у небе над Херсоншчынай
Украінскі знішчальнік Міг-29 збіў расійскі самалёт Су-35 у небе над Херсонскай вобласцю. Пра гэта афіцыйна паведаміла прэс-служба Паветраных сілаў УСУ.
Фота ілюстрацыйнае
«Сёння, 27 мая, у 14:00 знішчальнік МіГ-29 Паветраных сілаў Узброеных сілаў Украіны ў небе Херсоншчыны збіў расійскі знішчальнік Су-35, які паляваў на самалёты ўкраінскай штурмавой авіяцыі», — паведаміла прэс-служба ўкраінскай вайсковай авіяцыі.
Па стане на раніцу 27 мая, па падліках Генштаба УСУ, украінскія вайскоўцы знішчылі 206 варожых самалётаў, 170 верталётаў і 503 беспілотнікі арміі Расіі. Акрамя таго, паводле прыблізных падлікаў украінскага боку, за больш чым тры месяцы вайны Расія страціла 29750 вайскоўцаў.
23
0
0
0
0
1
Каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера