Украінская рэперка AlyonaAlyona ў новым кліпе ратуе падлеткаў, з якіх кпяць аднагодкі ВІДЭА
Украінская рэперка Алёна Саўраненка, вядомая пад творчым псеўданімам Alyona Alyona, апублікавала кліп «Булiнг», у якім паказала, як здзекуюцца з падлеткаў у школе.
У роліку яна ў вобразе адважнай супергераіні дапамагае тым, каму патрэбна абарона ад хуліганаў. Сама артыстка прызнавалася, што з яе таксама здзекваліся ў школе з-за вагі.
«У пачатковай школе да нас прыязджалі фатографы з касцюмамі розных персанажаў, якія ніколі на мяне не налазілі. Мяне не пакідалі адну ў класе на час фотасесіі, таму я сядзела з аднакласнікамі ў актавай зале. З мяне смяяліся і казалі крыўдныя словы: «Што, таўстуха, не налазяць», «А што, касцюм мачахі для цябе не прывезлі» і іншыя. Гэта былі маральна цяжкія пару гадзін, якія паўтараліся кожны год», — шчыра распавяла рэп-выканаўца.
