«Белавія» арганізуе дадатковы рэйс, каб прывезці заўзятараў на фінал Лігі чэмпіёнаў
«Белавія» 25 мая арганізуе дадатковы рэйс на фінал Лігі чэмпіёнаў для перавозкі заўзятараў «Ліверпуля».
Гэтую інфармацыю размясціў у фэйсбуку намеснік генеральнага дырэктара па маркетынгу і знешнеэканамічнай дзейнасці авіякампаніі Ігар Чаргінец.
«Белавія» выканае 25 мая дадатковы рэйс у Лондан для перавозкі заўзятараў футбольнага клуба «Ліверпуль» праз Мінск у Кіеў (на абодвух рэйсах В2-852 і В2-832 з Лондана свабодных месцаў не засталося)», - паведаміў намеснік гендырэктара авіякампаніі.
Ігар Чаргінец адзначыў, што з Мінска ў Кіеў ужо амаль няма месцаў на ўсе рэйсы, якія прыбываюць у Кіеў 25 і 26 мая да пачатку фінальнага матчу Лігі чэмпіёнаў УЕФА паміж «Ліверпулем» і мадрыдскім «Рэалам».
«Белавія» выконвае пяць штодзённых рэйсаў з Мінска ў кіеўскія аэрапорты Жуляны і Барыспаль.
