Знайсці
13.10.2013 / 16:0110РусŁacБел

Доўгія ногі і страсць: у Мінску працягваецца Тыдзень моды — фотарэпартаж

Падыходзіць да канца Мінскі тыдзень моды. Чатыры дні беларускія дызайнеры прэзентавалі свае калекцыі, моднікі вышпацыроўвалі свае касцюмы і за келіхамі віна абмяркоўвалі паказы. Мы яшчэ раз завіталі на паказы і паглядзелі, чым пацешыў гасцей трэці дзень мерапрыемства.

Гэтым разам віно было ўжо ружовае і людзей у Доме Масквы было больш, але пры гэтым было вельмі ціха і, як сказаў адзін з гасцей: « Чамусьці ўсё вельмі сумна. Сябры, гэта ж мода, а мода павінна крычаць!»

Паказы пачаліся практычна ў час. Першай была прэзентацыя ўпрыгожванняў Елены Леванюк, пад час якой дзяўчыны і адзін хлопец-андрагін, хадзілі па подыўме у адных толькі кашулях, з сабачкамі на руках. У гэтым паказе было вельмі шмат доўгіх і прыгожых ног, таму мужчынам ён быў як ніколі цікавы.

Другім і, напэўна, самым доўгачаканым быў паказ французскага дызайнера Claudine Ivari, з яе элегантнай калекцыяй. Стрыманыя колеры, простасць, але пры гэтым неад'емны французскі шык, прыйшоўся ўсім даспадобы.

Трапіўшы ў прэс-цэнтр, мы былі прыемна здзіўлены, што замест самотнага століка і незразумелага зэдліка, арганізатары паклапаціліся аб тым, каб з'явілася добрая канапа, стол і крэслы для журналістаў.

Ды й увогуле ў гэты дзень паказы практычна не спазняліся, людзей было не вельмі шмат і ўсё праходзіла без накладак ў супакойным рытме.

Сярод гасцей быў і дызайнер Аляксандр Варламаў, трошкі сумны і нейкі задуменны, ён без вялікай ахвоты гутарыў з людзьмі.

Трэці паказ быў дэбютны для брэнда Ton-in-Ton, дызайнер якога прэзентавала сукенкі і касцюмы з натуральнай пражы.

Скончыўся дзень паказам маскоўскага дызайнера Kaurtseva, пад энергічную музыку, яна паказала калекцыю вечаровых сукенак. Іх пераважна чырвоны колер і бляск аздаблення, надалі паказу страсці.

Запал ад якога яшчэ доўга не пакідаў гасцей. Вось што значыць добра падабраная музыка і прыгажосць у падачы адзення.

Вольга Гарапучык, фота Уладзіміра Германовіча

Хочаш падзяліцца важнай інфармацыяй
ананімна і канфідэнцыйна?

Клас
0
Панылы сорам
0
Ха-ха
0
Ого
0
Сумна
0
Абуральна
0
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
сакавіккрасавікмай
ПНАЎСРЧЦПТСБНД
1234567
891011121314
15161718192021
22232425262728
2930