10 кастрычніка — гурт:B:N: прэзентуе новы альбом «Крок за крокам» 3

Пласцінка была гатовая да выдання яшчэ вясной, але хлопцы вырашылі перачакаць «мёртвы» летні сезон. У выніку ў альбом увойдуць 14 кампазіцый плюс бонус-трэк — кавер на песню «Песняроў» «Чырвоная ружа». Да таго ж у альбом увайшла песня-дуэт, якая мае назву «Нас няма» і запісаная разам з Кацярынай Муратавай, з якой музыкі знаёмыя з часоў вучобы ва Універсітэце культуры.

Прэзентацыя «Крок за крокам» адбудзецца ў клубе Re:Public 10 кастрычніка пры ўдзеле гурту Pananieba.

:B:N: абяцаюць сыграць усё самае новае і выбранае з ужо вядомага:

«У нас будзе вялікі сэт з 32 песень — увесь новы альбом ды нашы старыя хіты. Плануем адыграць гадзінкі 2,5 не менш!

Думаю, прыхільнікам нашай творчасці павінна спадабацца, бо нарэшце яны змогуць пачуць нажыва песні, якія мы ўжо шмат гадоў не гралі».

Кошт квіткоў: 50–80 тысяч.

Кропкі продажу квіткоў: клюб Re:public, пераход Я.Коласа, пераход Гум, ГЦ Купалаўскі, 19 кропка, ГЦ Рыга, 18 кропка. Інтэрнэт-продажы: kvitki.by, ticketpro.by.

Даведкі: (29) 649-08-88, (33) 309-11-37.

Tut.by

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ