На 16.00 яўка на Фрунзенскай выбарчай акрузе №101 у Мінску, дзе ладзіцца кампанія актыўнага байкоту і максімальна актыўнага назірання, склала, па дадзеных незалежных назіральнікаў, меней за 30%.

Нагадаем, што, каб выбары адбыліся, павінна прагаласаваць 50% выбаршчыкаў плюс адзін. Верагоднасць таго, што такі ўзровень будзе дасягнуты за час (чатыры гадзіны), якія застаўся да закрыцця выбарчых участкаў, невялікая.

Зрэшты, афіцыйныя дадзеныя, па ўсім, будуць сведчыць пра тое, выбары адбыліся.

Так, па выніках датэрміновага галасавання (18-22 верасня) розніца паміж афіцыйнымі лічбамі і колькасцю прагаласаваўшых, палічаных фізічна назіральнікамі, была 3153 чалавек, або 5%.
Паводле падлікаў назіральнікаў, у датэрміновым галасаванні на Фрунзенскай акрузе №101 узялі ўдзел 15,2% выбарцаў. Афіцыйная ж лічба яўкі на датэрміновым галасаванні тут - 19,8%. Для параўнання, па дадзеных Цэнтрвыбаркаму, у сталіцы датэрмінова прагаласавалі 24,1%.
Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?