Лукашэнка пагутарыў з Пуціным 12

11 верасня па ініцыятыве беларускага боку адбылася тэлефонная размова прэзідэнта Расіі Уладзіміра Пуціна з Аляксандрам Лукашэнкам. Пра гэта паведаміла прэс-служба Крамля.

«Падчас размовы былі абмеркаваныя асобныя пытанні двухбаковага парадку дня. Аляксандр Лукашэнка даў высокую ацэнку вынікам саміта АТЭС ва Уладзівастоку і павіншаваў Уладзіміра Пуціна з паспяховым правядзеннем гэтага важнага міжнароднага форуму», — гаворыцца ў паведамленні.

Тыдзень саміта АТЭС-2012 прайшоў з 2 па 9 верасня ва Уладзівастоку. У горадзе адбылася серыя буйных міжнародных форумаў, кульмінацыяй якой стала сустрэча 8–9 верасня кіраўнікоў дзяржаў і ўрадаў Азіяцка-Ціхаакіянскага рэгіёну.

БелаПАН

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ