Юдэі і мусульмане правялі ў Берліне мітынг супраць забароны абразання
У чэрвені акруговы суд у Кёльне прыраўнаваў абразанне хлопчыкаў па рэлігійных матывах да нанясення цялесных пашкоджанняў, што, на думку суда, «парушае асноватворнае права дзіцяці на цэласнасць цела».
Прадстаўнікі габрэйскіх і мусульманскіх арганізацый патрабуюць перагляду гэтага рашэння. Каля трохсот чалавек сабраліся на маніфестацыю. «Урад краіны павінна прыняць закон, каб не было ніякага пакарання ў сувязі c абразаннем», — заявіў кіраўнік турэцкай грамады Германіі.
Такую ж пазіцыю займаюць і прадстаўнікі габрэйскай грамады.
МБ
Хочаш падзяліцца важнай інфармацыяй ананімна і канфідэнцыйна?
Пішыце рэдактару «Нашай Нівы» ў ТГ
