Грэцыя такі пакінула зону Еўра: Германія — Грэцыя — 4:2 12

Ангела Меркель радуецца голу Філіпа Лама ў ВІП-ложы. Дональд Туск падазрона змрочны.

У пятніцу на чэмпіянаце Еўропы па футболе прайшоў другі чвэрцьфінал: Германія — Грэцыя — 4:2 (Лам, 39, Хедзіра, 61, Клозэ, 68, Ройс, 74 — Самарас, 55, Салпігідзіс, 89-пен).

Грэкі, прапусціўшы першымі, не рассыпаліся, а змаглі зраўняць лік ударам Самараса — 1:1, а прапусціўшы тры мячы, не апусцілі рукі, а змагаліся да апошняга і здолелі забіць яшчэ адзінч мяч.

Грэцыя паказала, што не выпадкова трапіла ў плэй-оф.

У суботу: Іспанія — Францыя.

Дарэчы абедзве каманды з’яўляюцца супернікамі зборнай Беларусі па адбору на чэмпіянат свету 2014 года.

Нагадаем, што першым паўфіналістам стала зборная Партугаліі.