Туркі хочуць пабудаваць 16-павярховы гатэль з казіно ў цэнтры Мінска 23

Інвестары з усходу прыгледзелі яшчэ адзін участак у самым цэнтры Мінска.

Магчыма, у найбліжэйшы час на скрыжаванні вул. Валадарскага і Гарадскога Вала пачнецца будаўніцтва 16-павярховага гатэля.

Праект комплексу ARAS PALACE ўжо распрацавалі беларускія архітэктары. Яго эскізы з’явіліся на сайце прадпрыемства «Творчая майстэрня-7».

Гасцініца будзе размешчана на ўчастку, абмежаванай тэрыторыяй дзіцячага рэабілітацыйнага цэнтра, жылымі будынкамі і скверам, дзе ўсталяваны помнік Адаму Міцкевічу.

Як сказана ў апісанні праекта, комплекс будзе 16-павярховым. Два падземныя паверхі адведзеныя пад гараж-стаянку на 78 машынамесцаў. На першым паверсе размесцяцца вестыбюль, кафэ-бар і SPA-цэнтр. Другі паверх зойме казіно, на трэцім, акрамя гасцінічных нумароў, размесціцца рэстаран. 4–14 паверхі аддадзены пад нумары, на 15-м запраектаваныя шматфункцыянальныя залы, а на 16-м — начны клуб.

Інвестарам выступае турэцкая кампанія, зарэгістраваная ў канцы мінулага года як замежнае таварыства з абмежаванай адказнасцю «АРАС Інвест».

Што тычыцца тэрмінаў рэалізацыі праекту, то пакуль яны дакладна не вызначаны. Як растлумачылі нам архітэктары, яшчэ ідуць перамовы паміж інвестарам і Мінгарвыканкамам.

Onliner.by

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ