Вечарам у аўторак паміж барысаўскім БАТЭ і маскоўскім «Спартаком» падпісана міжклубная дамова аб пераходзе абаронцы Ягора Філіпенкі ў склад васьміразовых чэмпіёнаў Беларусі.

У сераду 23-гадовы футбаліст прыляціць у турэцкі Белек, дзе знаходзіцца БАТЭ на зборы, падпіша асабісты кантракт ды прыступіць да трэніровак у складзе сваёй старой-новай каманды, паведамляе афіцыйны сайт беларускага клуба.

***

Ягор Філіпенка — гадаванец мінскай «Змены», з 2005 г. выступаў за дубль БАТЭ, у 2007 г. — у асноўным складзе, увайшоў у лік 22-х лепшых футбалістаў Беларусі. У 2008 г. перайшоў у маскоўскі «Спартак», за які ў 2008 г. правёў 16 матчаў, забіўшы адзін мяч. Наступныя тры сезоны правёў у арэндзе: у «Томі», «Сібіры», а мінулы год — у арэндзе ў «БАТЭ».

Філіпенка гулец маладзёжнай (а цяпер алімпійскай зборнай) Беларусі. На моладзевым чэмпіянаце свету 2011 г. забіў адзін гол: у матчы за 3-е месца з чэхамі, што вывеў беларусаў на Алімпіяду ў Лондане.

 Пасля таго самага гола чэхам, belfootball.com

Пасля таго самага гола чэхам, belfootball.com

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?