У прэс‑цэнтры «Хартыі‑97» адбылося ўручэньне Нацыянальных прэмій «За асабістую мужнасьць пры абароне правоў чалавека». Каардынатар «Хартыі‑97» Зьміцер Бандарэнка сказаў, што хоць гэта і ўрачыстая хвіліна, але «з горкім прысмакам».

Прэмія ў галіне абароны правоў чалавека ўручаецца ад 1998 году. Сёлета ляўрэатамі сталі экс‑кандыдат у прэзыдэнты Аляксандар Казулін, абаронцы намётавага мястэчка на Кастрычніцкай плошчы, палітвязень Зьміцер Дашкевіч, прафсаюзная актывістка з Бабруйску Алена Захожая, а таксама вернікі пратэстанцкай царквы «Новае жыцьцё».

За Аляксандра Казуліна прэмію атрымала жонка, за Зьмітра Дашкевіча – бацькі, за абаронцаў намётавага мястэчка – Дар’я Зялінская.

– Тое, што зрабіў Казулін ёсьць сапраўдным подзьвігам, – сказаў праваабаронца Андрэй Саньнікаў. – Я сам працаваў у ААН і ведаю, наколькі цяжка і складана паставіць пытаньне ў Радзе бясьпекі ААН, але ён дамогся свайго.

– Гэта прэмія ня толькі мне, але і ўсім вернікам Беларусі, – адзначыў пастар царквы «Новае жыцьцё» Вячаслаў Ганчарэнка. – А таксама яна належыць Богу.

На ўрачыстасьці выступіў і лідэр дэмакратычных сілаў Аляксандар Мілінкевіч:

–Калі я вучыўся ў школе, то неаднойчы чуў наступную фразу: “Масы вырашаюць усё”. Так, сапраўды, масы вырашаюць многае, але нельга адмаўляць і ролю асобы ў гісторыі. Сёньняшнія намінанты даказваюць гэта. Гэта прыклады мужнасьці, якія падымаюць беларусаў з каленяў. Усе сёньняшнія ляўрэаты моцныя сваёй маральлю і мужнасьцю, яны надаюць нам надзею і веру.

201206charter01 (61K)
Зьлева направа: Вячаслаў Ганчарэнка, Дар’я Зялінская, Ірына Казуліна, Алена Захожая, бацькі Зьмітра Дашкевіча.

201206charter02 (58K)
Бацькі Зьмітра Дашкевіча.

201206charter03 (59K)
Дар’я Зялінская.

201206charter04 (66K)
Вячаслаў Ганчарэнка, Ірына Казуліна.

201206charter05 (63K)
Аляксандар Мілінкевіч.

Фота Юліі Дарашкевіч

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?