«Загад Лукашэнкі шукаць падбухторшчыкаў тэракту ў мінскім метро 11 красавіка сярод апазіцыі — абсурд»,— сцвярджае адзін з лідараў беларускай апазіцыі Аляксандр Мілінкевіч у інтэрв’ю, апублікаваным на сайце газеты Tagesspiegel.
На яго думку, у Беларусі няма апазіцыйных сілаў, здольных на такое. «Затое, — кажа ён, — рэакцыя Лукашэнкі наглядна дэманструе яго спробу пасяліць у грамадстве яшчэ большы страх і канчаткова закруціць гайкі».
Гаворачы пра арышты, якія прайшлі пасля прэзідэнцкіх выбараў, Мілінкевіч мяркуе, што рэжым хоча пасеяць страх сярод палітычных актывістаў. Дзеля гэтага ў краіне ў найбліжэйшыя месяцы пройдуць паказальныя працэсы, як гэта было ў ст
алінскія часы, закліканыя прадэманстраваць, што апазіцыянеры — гэта крыважэрныя агенты Захаду.
Пры гэтым Мілінкевіч не выключае, што пасля вынясення жорсткіх прысудаў гэтыя палітвязні будуць выкарыстаныя Лукашэнкам у тым ліку і ў закулісным гандлі з ЕС дзеля атрымання фінансавай дапамогі.
Што да фінансавай падтрымкі апазіцыі, у прыватнасці палітвязняў і тых, хто страціў працу ці месца ў ВНУ, то, як лічыць Мілінкевіч, ЕС варта было б змяніць і спрасціць саму працэдуру, інакш з гэтага нічога не атрымаецца. «У найгоршым выпадку вылучаныя буйныя сумы пойдуць на семінары, канферэнцыі, замежную практыку і мітынгі, якія арганізуюцца
На пытанне, што ўяўляе сабой праца на месцы, Мілінкевіч адказаў, што апазіцыя мусіць існаваць не толькі ў інтэрнэце і на спадарожнікавым тэлеканале Белсат — яна мусіць таксама выязджаць у правінцыю і не проста праводзіць там мітынгі, але і дапамагаць людзям арганізавацца для вырашэння лакальных праблемаў. Гэта і ёсць інвестыцыя ў будучыню. «Нам патрэбная доўгая сістэматычная праца з народам».
Гаворачы аб арганізаваным ім Руху «За свабоду!», Мілінкевіч падкрэсліў імкненне мабілізаваць усё грамадства. Да прыкладу, з дапамогай «Еўрапейскага народнага ўніверсітэта», дзе арганізуюцца курсы, сустрэчы, стажыроўкі ў новых краінах — сябрах ЕС. «Пазней актывісты, якія прайшлі такую падрыхтоўку, могуць быць выбраныя ў мясцовыя органы ўлады і стануць праводзіць рэформы пасля падзення рэжыму Лукашэнкі», — мяркуе ён.
Паводле яго ацэнкі, Беларусь можа выжыць цяпер толькі дзякуючы вонкавай дапамозе.
«Спачатку Лукашэнка кіне за краты лідараў апазіцыі, а затым пазычыць як мага больш грошай у Кітая і Расіі. Потым ён паспрабуе зноў уступіць у дзелавыя адносіны з Захадам… Але гэтым разам Захад павінен быць паслядоўным. Лукашэнка разумее толькі сілу і канкрэтныя ўчынкі, а кампрамісы ўспрымае выключна як слабасць»,— сцвярджае Мілінкевіч.
