Пацярпелыя, а таксама сем’і загінулых ад тэракту ў менскім мэтро атрымаюць страхавыя выплаты ў памеры ад 300 да 3 тысяч эўра.
Пра гэта паведаміла Інтэрфаксу начальніца ўпраўленьня па абавязковым страхаваньні грамадзянскай адказнасьці перавозчыка перад пасажырамі і мэдыцынскім страхаваньні страхавой кампаніі «Белэксімгарант» Тамара Міклашэвіч.
«Тэракт у мэтро быў прызнаны страхавым выпадкам, а значыць, выплаты пацярпелым і сем’ям загінулых будуць ажыцьцяўляцца ў рамках дамовы абавязковага страхаваньня грамадзянскай адказнасьці перавозчыка перад пасажырамі. У залежнасьці ад цяжкасьці шкоды, нанесенай здароўю, памер страхавога пакрыцьця складзе ад 300 да 3000 эўра ў эквіваленце», — заявіла Т. Міклашэвіч.
Ступень цяжкасьці цялесных пашкоджаньняў будзе вызначацца Дзяржаўнай службай
Паводле Тамары Міклашэвіч, у «Белэксімгарант» ужо зьвярталіся ў справе атрыманьня страхоўкі сваякі аднаго з загінулых падчас тэракту, а таксама некалькі пацярпелых.
