На экстранай нарадзе Аляксандр Лукашэнка даручыў узмацніць меры бяспекі і аказаць дапамогу ўсім пацярпелым у выніку выбуху на станцыі метро «Кастрычніцкая», паведамляюць афіцыйныя СМІ. Яны таксама паведамляюць, што «Лукашэнка бярэ пад асабісты кантроль» сітуацыю ў Мінску». Што гэта будзе азначаць? Можна падумаць, што дагэтуль яна была не пад ягоным асабістым кантролем.
