«Манрэаль» у плей-оф згуляе з «Бостанам»

Сталі вядомыя ўсе ўдзельнікі плэй-оф ва Усходняй канфэрэнцыі Нацыянальнай хакейнай лігі.

«Манрэаль Канадыенс», за які выступае беларускі форвард Андрэй Касціцын у апошнім матчы рэгулярнага чэмпіяната выйграў у «Таронта» Міхаіла Грабоўскага, з лікам 4:1 і фінішаваў ва Усходняй канферэнцыі на 6-м месцы, па дадатковых паказчыках абышоўшы «Бафала».

У 1/8 фіналу Кубка Стэнлі «Манрэаль» памераецца сіламі з «Бостанам». Серыя ідзе да чатырох перамог адной з камандаў. Летась «Манрэаль» дайшоў да паўфінала Кубка Стэнлі. "Таронта" фінішаваў 10-м і ў плей-оф не трапіў.

Іншыя пары Усхода: «Вашынгтон»- «Рэйнджэрс», «Філадэльфія « — «Бафала», «Пітсбург»- «Тампа-Бэй».

На «Захадзе» невядомы толькі ўладальнік апошняга, восьмага радка, які дазваляе прайсці ў плеэй-оф. За яго вядуць барацьбу цяперашні ўладальнік Кубка Стэнлі «Чыкага» і «Далас». Тады і канчаткова сфармуюцца ўсе пары. Нагадаем, што на Захадзе ў плей-оф прабіліся «Дэтройт», за які выступае Руслан Салей, і «Нэшвіл»,за які гуляе Сяргей Касціцын.

nn.by

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ