Віцэ-прэзідэнт Рэспублікі Зімбабвэ Джон Ланда Нкома 6–9 красавіка знаходзіцца ў Беларусі з рабочым візітам.
Як паведамляе прэс-служба МЗС Беларусі, у склад зімбабвійскай дэлегацыі ўваходзяць міністр сельскай гаспадаркі, механізацыі і ірыгацыі, міністр развіцця гарнаруднай прамысловасці, прадстаўнікі шэрагу іншых міністэрстваў і ведамстваў.
Падчас візіту запланаваны перамовы Нкома з прэм’ер-міністрам Беларусі Міхаілам Мясніковічам па пытаннях «канкрэтных кірункаў двухбаковага супрацоўніцтва», прадугледжаны сустрэчы членаў дэлегацыі з кіраўніцтвам міністэрстваў прамысловасці, сельскай гаспадаркі і харчавання Беларусі.
Зімбабвійская дэлегацыя наведае шэраг вядучых беларускіх прадпрыемстваў-экспарцёраў.
Таццяна Каравянкова, БелаПАН
Хочаш падзяліцца важнай інфармацыяй ананімна і канфідэнцыйна?
Пішыце рэдактару «Нашай Нівы» ў ТГ