Кампанія Google працягвае ўкараняць у свае сэрвісы некаторыя функцыі, характэрныя для сацыяльных сетак. Апошнім такім новаўвядзеннем стала кнопка «+1» у выніках пошуку.Пакуль яна з’явілася толькі ў пошуку на англійскай мове з сайта Google.com, але ў далейшым плануецца рэалізаваць падтрымку і іншых моваў.
Кнопка «+1», скапіяваная з папулярнага ў блогераў тэкставага каментара, азначае падтрымку выказвання іншага ўдзельніка абмеркавання і прызначаная для палягчэння пошуку патрэбнай інфармацыі дзякуючы рэкамендацыям іншых карыстальнікаў. Так, калі карыстальнік палічыць, што атрыманы ў выніках пошуку сайт змяшчае інфармацыю, якая можа быць карысная і для іншых людзей, ён можа націснуць кнопку «+1», каб парэкамендаваць гэты сайт.
У далейшым, калі іншыя карыстальнікі будуць шукаць тую ж інфармацыю, яны ўбачаць, што дадзены сайт пазначаны як карысны. Акрамя таго, для іншага карыстальніка можа быць даступны каментар пра сайт, пакінуты першым карыстальнікам.
Вынікі націскання кнопкі «+1» будуць улічвацца пры вызначэнні рэлевантнасці і ранжыравання старонак у выніках пошуку.
Акрамя таго, «+1» можа прымяняцца не толькі ў выніках пошуку, але і для рэкламных аб’яў. У хуткім часе Google абяцае рэалізаваць магчымасць размяшчэння «+1» на іншых сайтах (адпаведная магчымасць будзе даступная для
Між тым, чуткі пра нібыта прызначаны на сакавік запуск уласнай сацыяльнай сеткі Google, якая павінная стаць канкурэнтам Facebook, зноў не пацвердзіліся.
У сярэдзіне сакавіка некаторыя СМІ абяцалі маштабную прэзентацыю новага праекту. У Google спачатку адмаўлялі факт падрыхтоўкі такой прэзентацыі, а потым увогуле заявілі, што ніякага сацыяльнага сэрвісу кампанія не распрацоўвае.
Магчыма кампанія вяла такія працы, але спыніла іх, аднак чуткі аб такой распрацоўцы працягваюць пакідаць сцены кампаніі і няправільна інтэрпрэтавацца. Магчыма, працы
Пазней з’явіліся звесткі аб тым, што замест канкурэнта Facebook хутка з’явіцца сэрвіс, дзе карыстальнікі змогуць пакідаць фота, відэа і каментары. Асноўны нібыта акцэнт будзе зроблены на тым, што доступ да кантэнту будуць атрымліваць толькі сябры і блізкія знаёмыя карыстальніка.
