У Беларусі ўпершыню адбудзецца чэмпіянат Еўропы U12 сярод ювенілаў па бейсболе. Спаборніцтвы пройдуць 28 чэрвеня — 2 ліпеня ў Брэсце.

У чэмпіянаце возьмуць удзел восем каманд: з Аўстрыі, Літвы, Польшчы, Расіі, Румыніі, Украіны, Чэхіі і Беларусі (гульцы 1999 года нараджэння і маладзейшыя).

Каманды падзеленыя на дзве групы. Беларусы ўвайшлі ў групу, дзе будуць выступаць каманды Расіі, Украіны і Аўстрыі. Дзве найлепшыя каманды кожнай групы выходзяць у паўфінал. Астатнія згуляюць за 5-8-е месцы.

У 2010 годзе на чэмпіянаце Еўропы U12 ў Чэхіі зборная Беларусі, якая была сфарміравана з гульцоў клуба «Брэсцкія зубры», заняла шостае месца, атрымаўшы дзве перамогі і саступіўшы ў двух гульнях. Чэмпіёнам стала каманда Расіі.

Рашэнню Еўрапейскай канфедэрацыі бейсбола правесці ў Брэсце чэмпіянат Еўропы U12 судзейнічала паспяховая арганізацыя ў горадзе Кубка Еўропы па бейсболе ў 2006, 2008 і 2010 гадах, а таксама ўвод у эксплуатацыю восенню 2010 года першага ў Беларусі бейсбольна-софтбольного стадыёна. Ён пабудаваны побач з бейсбольнымі стадыёнам, які быў адкрыты летам 2005 года.

У лютым 2011 года каманда ювенілаў «Брэсцкія зубры» стала бронзавым прызёрам міжнароднага бейсбольнага турніру на Кубак прэзідэнта Польшчы.

18–20 сакавіка «Брэсцкія зубры» возьмуць удзел у міжнародным турніры ў Роўне (Украіна).

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?