Жорсткія прысуды актывістам апазіцыі і журналістам не застануцца для дыктатарскага рэжыму без наступстваў.Кіраўнік нямецкай праваабарончай арганізацыі «Правы чалавека ў Беларусі»
— Чаму беларускія ўлады працягваюць пераследваць сваіх апанентаў, нягледзячы на ціск, які здзяйсняецца на іх з боку Захаду і Расеі?
— Я думаю, што пераследы актывістаў і прадстаўнікоў апазіцыі, што адбываюцца сёння ў Беларусі, з’яўляюцца наступствам таго, як Лукашэнка ацаніў сваё цяперашняе становішча. Ён адчувае сябе пад пагрозай у сувязі з ростам незадаволенасці сярод беларусаў, якая тычыцца як яго самога, так і ў цэлым аўтарытарнай сістэмы ў краіне. Такія настроі можна адсачыць па выніках галасавання на прэзідэнцкіх выбарах, пра што кажуць незалежныя назіральнікі і якія не ў карысць цяперашняга кіраўніка дзяржавы.
— Вы падзяляеце думку, што ўсе што палітзняволеныя, што з’явіліся ў Беларусі пасля 19 снежня, з’яўляюцца закладнікамі ў гандлі з Еўразвязам?
— Я не лічу, што тых, хто зараз знаходзіцца ў зняволенні па палітычных матывах, улады будуць выкарыстоўваць у якасці закладнікаў у гандлі з Еўразвязам. Ціск у дачыненні да гэтых людзей прымяняецца, таму што яны ўяўляюць небяспеку для Лукашэнкі. І гэтыя працэсы будуць працягвацца, для таго каб запалохаць насельніцтва і апраўдаць аўтарытарныя метады кіравання. Я не выключаю, што ў будучыні, калі рэпрэсіі прынясуць патрэбны ўладам вынік, палітвязняў выпусцяць на волю, зрабіўшы такім чынам «крок насустрач» ЕЗ.
— Наколькі верагодна, што Брусэль усё ж ўвядзе эканамічныя санкцыі ў дачыненні да беларускага рэжыму, калі рэпрэсіі і вынясенне абвінаваўчых прысудаў па справе аб масавых беспарадках працягнуцца?
— Паколькі меры аказання ціску, што прымяняліся Захадам да гэтага часу, на Лукашэнку не здзяйсняюць ніякага ўздзеяння, не выключана, што эканамічныя санкцыі будуць уведзеныя. У гэтым сэнсе эфектыўным інструментам маглі б стаць санкцыі, што датычацца продажу беларускіх нафтапрадуктаў на еўрапейскім рынку. Але я не думаю, што такое рашэнне ўжо наспела.