Лозунг «Свабоду палітвязням!» так і не з’явіўся ў эфіры.
У новым ток-шоў АНТ «Адкрыты фармат» з’явіўся такі самы бягучы радок смс-паведамленняў ад гледачоў, як і ў «Выбары», што трапіў у апалу. У першую ж хвіліну эфіру на дзіва праскочылі абуранае «А кто ведушчіх одевал?» і іранічнае «Ермошіна не уходіт, і то хлеб:)».
Ледзь не паверыўшы ў свабоду слову на АНТ, карэспандэнт «Нашай Нівы» ўласнаручна адправіў дзвюхмоўнае смс-паведамленне: «Выборы прошли незаконно! Свабоду палітвязням!».
Такую крамолу АНТ-шная цэнзура пакуль так і не прапусціла. Затое пайшлі звыклыя: «Відімо, среді наблюдателей было мало честных людей», «Я голосовал за Лукашенко і за стабільность!», «На плошчаді было много пьяных, я там рядом жіву!» Перыядычна праскокваюць і скептычна-нейтральныя паведамленні кшталту «А где кандідаты?»
Тое, што цэнзура дае збоі, стала зразумела ў канцы перадачы, калі праскочыла абраза ў бок да супрацоўнікаў праваахоўчых органаў: «Еслі бы я пошел на плошчадь, то на стороне МЕНТОВ».
