Франку Вячорку пагражалі «рознымі хваробамі і летальным вынікам» 6

10 студзеня з спецпрыёмніка-размеркавальніка па вуліцы Акрэсціна выйшаў моладзевы лідар Франак Вячорка. Ён адбываў 12-суткавае зняволенне за ўдзел у акцыі салідарнасці 21 снежня.

Франак кажа, што падчас зняволення да іх прыходзіў следчы КДБ, каб правесці допыт. Напрыклад, у Міхася Пашкевіча пыталіся пра дзейнасць арганізацыі «За альтэрнатыўную грамадзянскую службу».

А вось у самога Вячоркі цікавіліся пра падзеі 19 і 20 снежня. «Допыт вёў следчы Батвянкоў.

Казаў, маўляў, ведаю, што вы задумваеце кансалідацыю рэштак апазіцыі. Раіў не рабіць гэтага. У адваротным выпадку абяцаў «розныя хваробы і летальныя вынікі», — зазначае Ф.Вячорка.

ЗП

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ