Труп мінчука знайшлі ў кантэйнеры для смецця

Раніцай 13 лістапада ў смеццевым кантэйнеры ў доме № 37 на вуліцы Стаханаўскай у сталіцы быў знойдзены труп 48-гадовага мінчаніна з нажавымі раненнямі.

10 лістапада мужчына прыйшоў у госці да знаёмых, выпівалі. Праз нейкі час 42-гадовая жанчына пайшла, а паміж яе 39-гадовым сужыцелем і госцем усчалася сварка, у выніку якой гаспадар кватэры зрабіў сабутэльніку каля 10 нажавых раненняў, ад чаго той памёр. Двое сутак труп праляжаў у кватэры, а ў ноч на 13 лістапада сужыцелі загарнулі яго ў поліэтыленавыя пакеты і коўдру і вынеслі ў кантэйнер для смецця.

Мужчына і жанчына затрыманыя. Следчым аддзелам пракуратуры Мінска распачата справа па ч. 2 арт. 139 КК (забойства).

Вячаслаў Будкевіч, БелаПАН

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ