У найбліжэйшыя выхадныя ў Беларусі чакаецца паляпшэнне надвор'я
Паводле прагнозаў Рэспубліканскага гідраметэацэнтра, у найбліжэйшыя суткі, 30 кастрычніка, у Беларусі чакаецца воблачна з праясненнямі. Пераважна без ападкаў, толькі ўначы ў асобных раёнах Віцебскай і Магілёўскай абласцей невялікія дажджы. Уначы і ў першай палове дня на большай частцы тэрыторыі туман. Вецер уначы слабы, днём паўднёвы 5—10 м/с. Тэмпература паветра ўначы мінус 1 — плюс 5°С,
днём 6—12°С вышэй за нуль.
У Мінску воблачна з праясненнямі, без істотных ападкаў. Уначы і ў першай палове дня туман. Вецер уначы слабы, днём паўднёвы 5—10 м/с. Тэмпература паветра ўначы плюс 2—4°С, днём 7—9°С.
У наступныя двое сутак, 31 кастрычніка — 1 лістапада, сіноптыкі прагназуюць у Беларусі пераменную воблачнасць, пераважна без ападкаў. У асобных раёнах туман. Вецер паўднёвы 5—10 м/с, днём парывы да 14 м/с. Тэмпература паветра ўначы мінус 2 — плюс 5°С,
днём 6—13°С вышэй за нуль, па паўднёвым захадзе Брэсцкай вобласці да плюс 15°С.
У Мінску пераменная воблачнасць, без ападкаў, слабы туман. Вецер паўднёвы 5—10 м/с, днём парывы да 12 м/с. Тэмпература паветра ўначы плюс 2—4°С,
днём 9—11°С.
