Старшыня Цэнтрвыбаркама Беларусі Лідзія Ярмошына не бачыць падстаў для перагляду вынікаў прэзідэнцкіх выбараў 2006 года. Пра гэта яна заявіла 14 кастрычніка, каментуючы журналістам меркаванне вядомага блогера Яўгенія Ліпковіча.

Ліпковіч у сваім інтэрнэт-дзённіку пытаецца: ці павінен Аляксандр Лукашэнка «несці адказнасць за падачу несапраўдных звестак у дэкларацыі аб даходах за 2005 год»? У прыватнасці, піша ён,

у дэкларацыі Лукашэнкі былі ўказаны звесткі аб двух сынах, у той час як у кіраўніка дзяржавы тры сыны.

«Гэта не з’яўляецца падставай для перагляду ці анулявання вынікаў выбараў», — заявіла Ярмошына. Дзеянні Ліпковіча яна расцаніла як «звычайную спробу „прапіярыцца“ за кошт медыйнай асобы, цікавай персоны».

Пытанне пра перагляд вынікаў выбараў 2006 года «не падлягае абмеркаванню», падкрэсліла кіраўнік ЦВК.

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?