Паводле дадзеных СААЗ, 63,7% мужчын і 69,9% жанчын у Беларусі маюць залішнюю вагу, а 32,2% жанчын і 16,2% мужчын — атлусценне.
Сусветная арганізацыя аховы здароўя (СААЗ) вызначае індэкс масы цела чалавека (ІМЦ) як вынік дзялення вагі ў кілаграмах на ўзведзены ў квадрат рост у метрах. Па стандартах СААЗ, калі ІМЦ роўны або большы за 25, гэта залішняя вага, а калі роўны або большы за 30 — атлусценне. Напрыклад, пры росце 1,7 м і вазе 83 кг ІМЦ складзе 83 / (1,7*1,7), то бок 28,7 — гэта залішняя вага.
Першыя чатыры месцы ў свеце па долі насельніцтва, старэйшага за 15 гадоў, якое пакутуе на залішнюю вагу, займаюць астраўныя дзяржавы Науру (96,9% мужчын і 93% жанчын), выспы Кука (93,4 і 90,3%), Мікранэзія (93,1 і 91,1%) і Тонга (91,4 і 92,1%).
Ціхаакіянскія выспы на першым месцы і па атлусценні насельніцтва. Так, у Науру доля такіх грамадзян складае 84,6% сярод мужчын і 80,5% сярод жанчын.
У Еўропе самае тлустае насельніцтва ў Грэцыі і на Мальце. У Грэцыі доля мужчын з залішняй вагой складае 77,5%, жанчын — 63,2%, на Мальце — 73,3 і 67,6% адпаведна. У той жа час, сярод мальтыйцаў больш тых, хто пакутуе на атлусценне: 28,1% мужчын і 36,5% жанчын. На атлусценне пакутуюць 30,3% грэкаў і 26,4% грачанак.
Сярод краін былога СССР па паўнаце насельніцтва першая — Беларусь: 63,7% мужчын і 69,9% жанчын маюць залішнюю вагу, а 32,2% жанчын і 16,2% мужчын — атлусценне.
Расія па долі і мужчын і жанчын з залішняй вагой займае
Самай худой краінай свету можна назваць Эрытрэю: усяго 3,5% мужчын і 6,3% жанчын там маюць залішнюю вагу, а на атлусценне пакутуюць толькі 0,1% жанчын.
