Узор новага вадзіцельскага пасведчання практычна гатовы. Пра гэта паведаміў журналістам 24 чэрвеня міністр унутраных спраў Беларусі Анатоль Куляшоў.
Дакумент будзе ўяўляць сабой
пластыкавую картку з фатаграфіяй, прозвішчам, імем і імем па бацьку ўладальніка, нумарам пасведчання, указаннем органа ўнутраных спраў, які выдаў правы, катэгорый транспартных сродкаў, дазволеных да кіравання.
Чакаецца, што пасведчанні новага ўзору ў Беларусі пачнуць выдаваць у лістападзе—снежні 2010 года. Раней планавалася, што гэты працэс будзе запушчаны ў ліпені. Перанос тэрмінаў звязаны з тэхнічным бокам пытання, гэта значыць вытворчасцю і выдачай дакументаў.
Нагадаем, неабходнасць увядзення новых вадзіцельскіх пасведчанняў выклікана ўступленнем у сілу 29 сакавіка 2011 года паправак да Еўрапейскай канвенцыі аб дарожным руху 1968 года.
Першымі новыя пасведчанні атрымаюць тыя, хто паспяхова завершыць навучанне ў аўташколах, і кіроўцы-дальнабойшчыкі.
0
0
0
0
0
0
