Урад КНР апублікаваў так званую «Белую кнігу», у якой тлумачыцца палітыка ўладаў адносна цэнзуры ў інтэрнэце, а таксама прыводзіцца некаторая статыстычная інфармацыя, паведамляе onliner.by са спасылкай на Reuters.У дакуменце інтэрнэт называюць «крышталізацыяй чалавечай мудрасці». Тым не менш ўлады Кітая па-ранейшаму рашуча настроены ажыццяўляць кантроль над інтэрнэтам.
У «Белай кнізе» падкрэсліваецца, што Кітай не пацерпіць міжнароднай крытыкі і не стане пад яе ціскам аслабляць кантроль над інтэрнэт-кантэнтам. Як сцвярджаецца ў дакуменце, блакаванне непажаданых і патэнцыйна небяспечных рэсурсаў дапамагае прадухіляць распальванне міжнацыянальных канфліктаў і абараняць грамадства ад гвалту, тэрору і парнаграфіі.
«Кітайскі урад заахвочвае выкарыстанне інтэрнэту, калі яно накіравана на садзейнічанне эканамічнаму і сацыяльнаму прагрэсу, паляпшэнню якасці грамадскіх паслуг і садзейнічанні людзям у працоўным і асабістым жыцці», -- гаворыцца ў «Белай кнізе». Як адзначаецца ў дакладзе, у цяперашні час менавіта ў Кітаі знаходзіцца найбольшая колькасць інтэрнэт-карыстальнікаў. Сёння ў сетку рэгулярна выходзяць каля 30% кітайцаў. На працягу наступных пяці гадоў гэты паказчык плануецца давесці да 45%.
