На Усходнія могілкі прыйшлі два дзесяткі чалавек. Сярод іх — Бураўкін, Грушавы, гросмайстар Купрэйчык, удава пісьменніка.
Генадзь Бураўкін.
Уладзімір Някляеў.
На Усходніх могілках Мінска 7 мая былі ўскладзеныя кветкі да магілы беларускага пісьменніка Васіля Быкава (1924—2003).
Да магілы прыйшлі два дзесяткі чалавек: сярод іх — Генадзь Бураўкін, Генадзь Грушавы, гросмайстар Віктар Купрэйчык, удава пісьменніка Ірына Быкава. Акцыя была зладжана грамадскай ініцыятывай «Гавары праўду!».
У часе мерапрыемства быў ініцыяваны збор подпісаў за наданне імя Васіля Быкава вуліцы Ульянаўcкай у Мінску, адной са станцый мінскага метрапалітэна, а таксама вуліцы Парыжскай Камуны ў Гродне.
«Развітацца з Васілём Быкавым у чэрвені прыйшлі 50 тыс. чалавек. Я думаю, што сабраць столькі подпісаў праблемы не будзе», — сказаў кіраўнік ініцыятывы «Гавары праўду!», пісьменнік Уладзімір Някляеў, асабліва падкрэсліўшы, што трэба змагацца за наданне імя Быкава цэнтральным вуліцам, а не на выселках у Ждановічах.
0
0
0
0
0
0
