11 красавіка ў цэнтры Мінска на плошчы перад Чырвоным касцёлам сабралася каля сотні чалавек: дарослых і дзяцей. Яны прыйшлі на спантанны фестываль мыльных бурбалак.
Прысутныя накіраваліся па праспекце Незалежнасці ў бок парку Янкі Купалы, па дарозе яны выдзімалі мыльныя бурбалкі ўсіх колераў вясёлкі і памераў.
Гэта не першая такая акцыя ў беларускай сталіцы. Мыльныя феерыі ў Мінску праводзіліся ўжо некалькі разоў, напрыклад летась — у Міжнародны дзень Міру.
Свята прайшло ярка, напоўніўшы пазітывам і дзіцячай непасрэднасцю сэрцы ўдзельнікаў і гледачоў, а неба — мыльнымі бурбалкамі.
