13 лютага ў Віцебску на лініі электраперадач над Заходняй Дзьвіной, паміж мастамі імя Кірава і імя Блахіна, каля гадзіны лунаў бел-чырвона-белы сьцяг.
Паводле віцебскага апазыцыянэра Барыса Хамайды, які спасылаецца на вартыя даверу крыніцы, сьцяг зьявіўся а першай гадзіне дня і да яго была прымацавана цыдулка:
«Люблю Беларусь і мой родны Віцебск! Жыве Беларусь! Жыве вечна! Мірон».
На думку спадара Хамайды, сьцяг адмыслова быў вывешаны напярэдадні Дня закаханых.
Здымалі сьцяг з дапамогай адмыслоўцаў-электрыкаў, якія кіравалі дзеяньнямі міліцыянтаў і супрацоўнікаў МНС на вачах у дзясяткаў віцебскіх мінакоў.
0
0
0
0
0
0
