Домрачава заняла 8-е месца ў спрынце, залаты медаль заваявала Славакія 2

На Алімпійскіх гульнях у Брытанскай Калумбіі ў суботу прайшла спрынтэрская гонка біятланістак на 7,5 км.

Алімпійскай чэмпіёнкай стала прадстаўнічка Славакіі Анастасія Кузьміна, што прабегла дыстанцыю за 19 хвілін 55,6 секунды.

Срэбраны медаль выйграла немка Магдалена Нойнер (19:57,1, адставанне +1,5), бронзу заваявала францужанка Мары Дарэн (20:06,5).

Найлепшы вынік сярод беларусак паказала Дар’я Домрачава.

Яна фінішавала 8-й з вынікам 20 хвілін 27,4 секунды (адставанне ад першага месца +31,8).

Людміла Калінчык – 17-я (20:46,1 + 50,5), Надзея Скардзіна – 28-я (21:17,6), Вольга Назарава – 74-я (23:11,7). Домрачава, Калінчык і Скардзіна не зрабілі ніводнага промаху на двух агнявых рубяжах.

У нядзелю ў Уістлеры – там адбываюцца біятлонныя спаборніцтвы – пройдзе спрынт у мужчынаў.

Алімпійская чэмпіёнка Анастасія Кузьміна, sport-express.ru

nn.by

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ