Выбухам на рэйках у Бранскай вобласці пашкоджаны беларускі лакаматыў
Сёння губернатар Бранскай вобласці Аляксандр Багамаз паведаміў аб спробе падрыву чыгуначных рэек. Паводле яго, выбуховае прыстасаванне спрацавала прама перад грузавым цягніком на перагоне Робчык-Пясчанка. Ніхто не пацярпеў, пашкоджанае шкло ў кабіне машыніста.
Пазней у тэлеграм-каналах з'явіліся фатаграфіі наступстваў выбуху. Канал @motolkohelp звярнуў увагу на нумар 2ТЭ10УК-0388. Гэты цеплавоз належыць Беларускай чыгунцы, а дакладней — гомельскаму дэпо «ТЧ-8».
Не выключана, што ў момант выбуху на гэтым цеплавозе працавала беларуская брыгада.
Калі вам нешта вядома пра гэты выпадак, пішыце ў наш чат-бот @nasa_niva_bot.
Nashaniva.com
Хочаш падзяліцца важнай інфармацыяй ананімна і канфідэнцыйна?
Пішыце рэдактару «Нашай Нівы» ў ТГ
