У Марыупалі створаная калабарацыянісцкая мэрыя
У Марыупалі, за кантроль над якім дагэтуль ідуць зацятыя баі паміж украінскімі і расійскімі войскамі, дэпутаты мясцовай рады ад прарасійскай, цяпер афіцыйна забароненай партыі «Апазіцыйная платформа «За Жыццё» (АПЗЖ) пры падтрымцы расійскіх вайскоўцаў абралі новага «кіраўніка» горада. Ім стаў Канстанцін Івашчанка.
Як паведаміў дарадца легітымнага мэра Марыупаля Пятро Андрушчанка, для прыняцця гэтага рашэння ў Марыупаль прымусова звезлі з горада і навакольных вёсак усіх магчымых дэпутатаў.
Акрамя таго, гэты сход «ратыфікаваў вынікі рэферэндуму 2014 года», з-за чаго Марыупаль цяпер нібыта лічыцца часткай «ДНР».
Перад гэтым законная Марыупальская гарадская рада выключыла за свайго складу дэпутатаў ад АПЗЖ.
Nashaniva.com
Хочаш падзяліцца важнай інфармацыяй ананімна і канфідэнцыйна?
Пішыце рэдактару «Нашай Нівы» ў ТГ
