У сацсетках у Сірыі можна знайсці мноства прапаноў узяць удзел у баявых дзеяннях на перадавой за $7 тысяч або атрымліваць па $3500 за працу па баявым забеспячэнні тылу, паведамляе руская служба «Бі-бі-сі».
Расія адкрыла 14 цэнтраў па наборы байцоў у многіх гарадах, уключаючы Дамаск і Алепа. Як распавёў Арабскай службе BBC адзін з такіх добраахвотнікаў, ён асабіста ведае як мінімум 200 чалавек, якія падалі заяўкі на ўдзел у баявых дзеяннях, прычым 80% з іх зрабілі гэта літаральна дзеля кавалка хлеба.
Пры гэтым добраахвотнікі ўсведамляюць, што большасць з іх хутчэй за ўсё загіне на гэтай вайне, аднак у іх няма іншага выйсця: цэны на прадукты і тавары першай неабходнасці ў Сірыі моцна выраслі і людзі ледзь зводзяць канцы з канцамі.
Расійскія ж СМІ сцвярджаюць, што сірыйцы адчуваюць доўг перад Расіяй, якая дапамагла ім у грамадзянскай вайне, і гатовыя такім чынам адплаціць.