«Калегі чакаюць дазволу на выхад на мінімальны кантраляваны ўзровень. Дзесьці ў канцы лютага — пачатку сакавіка будзе энергапуск, выхад на 250-300 МВт і падключэнне да сеткі», — сказаў Ліхачоў.
Ліцэнзію на запуск другога энергаблока БелАЭС атрымала 22 снежня, першы энергаблок быў урачыста пушчаны ў лістападзе 2020 года.
Таксама ў снежні было ўзнятае пытанне аб будаўніцтве яшчэ адной АЭС, але ў іншым рэгіёне Беларусі.
Прэм'ер краіны Раман Галоўчанка заяўляў, што з дапамогай двух энергаблокаў БелАЭС краіна зможа замяшчаць каля 4,5 млрд кубаметраў газу ў год. Цяпер АЭС вырабляе 25% ад агульнай колькасці электраэнергіі ў краіне.
